Cəlilabadda qəzalı vəziyyətdə olan məktəblə bağlı aidiyyəti qurumlara müraciət olunub.
Bu barədə Təhsil Nazirliyindən ÇıxışYolu.Com-ın sorğusuna cavab olaraq bildirilib.
Məlumatda qeyd edilir ki, Cəlilabad rayonu Muğan kənd orta məktəbində təhsil prosesi davam etməkdədir:
“Şagirdlər təxliyyə edilməyib. Hazırda məktəb qəzalı vəziyyətdədir. Təhsil ocağının təmir olunması 2019-2023-cü illəri əhatə edən Dövlət Proqramına salınıb, bununla bağlı aidiyyəti qurumlara müraciət olunub”.
Qeyd edək ki, Cəlilabad rayon Muğan kənd orta məktəbinin qəzalı vəziyyətdə olması barədə mətbuatda məlumat yayılıb. Məktəbin müəllimləri və valideynlər təhsil ocağının təmiri üçün Təhsil Nazirliyindən kömək istəyiblər.
İlhamə Əbülfət