Çinin Çzyansu vilayətinin İsin şəhərində baş verən ağır yol qəzası nəticəsində ən azı 36 nəfər ölüb, daha 36 nəfər isə xəsarət alıb.
Bu barədə TASS yerli hüquq-mühafizə orqanlarına istinadən xəbər verir.
Məlumata görə, salonunda 69 nəfər olan avtobus avtomagistralla şimal istiqamətində hərəkət edən zaman idarəetməni itirərək, qarşıdan gələn yük maşını ilə toqquşub.
Yaralıların hamısı yaxınlıqdakı xəstəxanaya yerləşdirilib. Onlardan 9-u ağır vəziyyətdədir.
Hadisənin başvermə səbəbi araşdırılır. İlkin versiyaya görə, qəza avtobusun qabaq kamerasının partlaması nəticəsində olub.