Azərbaycanı “Avroviziya-2019” beynəlxalq musiqi yarışmasında təmsil edəcək müğənni Çingiz Mustafayev səsləndirəcəyi “Truth” mahnısını bu dəfə akustik versiyada ifa edib.
ÇıxışYolu.Com xəbər verir ki, Çingiz mahnını fərqli tərzdə səsləndirərək onu ekranlaşdırıb.
İfaçı layihəni rəsmi “Youtube” səhifəsinə yayımlayıb.
“Mahnıları “cover” etməyi, onları fərqli səsləndirməyi və öz musiqi tərzimlə toxunmağı çox sevirəm. Bu dəfə “Avroviziya” mahnım “Truth”u “cover” etdim. Akustik versiyanın ləzzətini çıxarın. Ümid edirəm ki, bunu çox bəyənəcəksiniz”, – deyə Çingiz “Instagram” hesabında yazıb.
Rəşad Əliyev