Gəncədə taxta sexində baş vermiş yanğın söndürülüb.
ÇıxışYolu.Com xəbər verir ki, yaxınlıqdakı tikililər yanğından mühafizə olunub.
Yanğın nəticəsində xəsarət alan yoxdur.
Yanğının hansı səbəbdən baş verdiyi aparılan araşdırmalardan sonra məlum olacaq.
01:40
Gəncədə inşaat materialları satılan ərazidə yanğın olub.
ÇıxışYolu.Com-ın bölgə müxbirinin məlumatına görə, hadisə Cavadxan qəsəbəsində yerləşən tikinti bazarında baş verib.
Ərazidə yerləşən böyük taxta sexlərindən birində baş vermiş yanğında külli miqdarda məhsul və avadanlıq zərər görüb.
Yanğının söndürülməsi üçün hadisə yerinə Fövqəladə Hallar Nazirliyinin Yanğından Mühafizə İdarəsinin 10 yanğınsöndürmə texnikası və canlı qüvvə cəlb olunub.
Hazırda yanğının söndürülməsi istiqamətində tədbirlər görülür.