Gəncədəki qəzada yaralananların adları bəlli olub.
ÇıxışYolu.Com-ın bölgə müxbiri xəbər verir ki, onlar “VAZ-2107”nin sürücüsü, 1987-ci il təvəllüdlü Əhmədov Rövşən və “Mercedes”də olan 1995-ci il təvəllüdlü Abdullayev Amil, 1994-cü il təvəllüdlü Tağıyev Amin və 1998-ci il təvəllüdlü Avazov Məhərrəmdir.
Hazırda xəsarət alan şəxslərin müalicəsi davam etdirilir.
20:17
Gəncədə ağır yol nəqliyyat hadisəsi qeydə alınıb.
ÇıxışYolu.Com-ın bölgə müxbiri xəbər verir ki, hadisə şəhərin Cavad Xan küçəsində baş verib.
Yüksək sürətlə hərəkətdə olan “VAZ 2107” markalı avtomobil “Mercedes” markalı başqa bir nəqliyyat vasitəsinə çırpılıb.
İlkin məlumatlara görə, hadisə nəticəsində 4 nəfər müxtəlif dərəcəli bədən xəsarəti alıb.
Yaralılar ətrafdakı insanların yarıdımı ilə Gəncə şəhər Təcili Tibbi Yardım Xəstəxanasına çatdırılıb.
Onlardan bəzilərinin vəziyyəti ağır qiymətləndirilir.
Faktla bağlı Gəncə Şəhər Baş Polis İdarəsində araşdırma aparılır.