Göyçayda ilan yerli sakinin evinə hücum edib.
ÇıxışYolu.Com-ın bölgə müxbiri xəbər verir ki, hadisə dünən saat 21:30 radələrində baş verib.
Rayonunun Birinci Ərəbcəbirli kənd sakini Cavid Həşimov həyətlərinə soxulan bir metrlik ilanı zərərsizləşdirmək üçün öncə avtomobil ilə onun üzərindən keçib, daha sonra çomaqla onu öldürüb.
C.Həşimovun sözlərinə görə, əvvəlcə zəhərli ilanı həyətlərində görüncə qorxuya düşüb. Lakin o, özünü itirmədən ilanı öldürmək qərarına gəlib. Öldürdükdən sonra isə onu tut ağacından asıb.
Qeyd edək ki, son vaxtlar havanın istiləşməsi ilə əlaqədar Göyçayda ilanlara tez-tez rast gəlinir.
Nazir Quliyev