Göyçayda insanların həyatına təhlükə yarada biləcək hadisə baş verib.
ÇıxışYolu.Com-ın bölgə müxbirinin məlumatına görə, ağacın budağı insanların hərəkət etdiyi yola düşüb.
Nəriman Nərimanov küçəsində böyük çinar ağacının budağı gözlənilmədən qoparaq piyadaların hərəkət etdiyi səkiyə düşüb. Zərbə nəticəsində ağacın budağı hissələrə bölünüb. Xoşbəxtlikdən hadisə nəticəsində xəsarət alan olmayıb.
Qeyd edək ki, ötən ay oxşar hadisə səbəbindən Göyçayda gənc ölüb.
Nazir Quliyev