Moskvanın mərkəzində, “İzvestiya” qazetinə məxsus tarixi binada yanğın olub.
RİA Novosti xəbər verir ki, yanğın binanın 3-cü mərtəbəsində baş verib.
Hadisə yerinə cəlb olunan yanğınsöndürmə briqadaları yanğının qarşısını alıb.
Yanğınsöndürmə zamanı 2 nəfər xilas olunub.
«İzvestiya» qazetinin binası Moskvanın ən məşhur tikililərindən biridir. 1925-27-ci illərdə inşa olunan bina Oktyabr inqilabının 10-cu il dönümü ərəfəsində istifadəyə verilib.