Müğənni Kərim Abbasov “Ləkə” adlı mahnısına çəkdirdiyi klipini təqdim edib.
ÇıxışYolu.Com xəbər verir ki, Kərimin klip təqdimatına şou-biznes nümayəndələri və jurnalistlər qatılıblar.
Kərim qonaqlarla birgə klipi seyr etdikdən sonra yeni işindən söz açıb.
“Klipdən öncə reklamını təşkil etmək istədik. Görüntüləri jurnalist İsa Şükürova göndərdim ki, paylaşsın. Amma məsələ başqa istiqamətə yol aldı. Gah dedilər, klipdə rol alan rəqqasə Renka ilə sevgiliyəm, gah dedilər, ailəm dağılıb. Biz iki sevən insanın həyatını sərgiləmişik. Bəstədə beş ildir ki, gözüm qalmışdı, bir xırda detal var idi, həll olmurdu. Mahnıya elə nəfsimi saldım ki, satılmadı. Nəhayət, mənə qismət oldu. Mən də sevərək bu mahnını oxuyub, ona klip çəkdirdim”.
Sözügedən bəstənin sözləri və musiqisi İsmayıl Əliyevə məxsusdur. Nicat Zeynallının rejissorluq etdiyi ekran işi təqdim olunmazdan öncə kadrarxası açıq-saçıq yataq səhnələri sosial şəbəkədə yayılmışdı. İzləyicilər Kərimlə Renkanı bu görüntülərə görə xeyli tənqid etmişdilər.
Kərim ÇıxışYolu.Com-a açıqlamasında keçmiş həyat yoldaşı, hazırda həbsdə olan prodüsser Təranə Səmədova ilə bağlı da açıqlamalar verib.
Rəşad Əliyev