London Paralimpiya Oyunlarının çempionu belçikalı Marika Vervut evtanaziya proseduruna məruz qalıb.
“BBC” xəbər verir ki, idmançı güclü əzələ ağrılarından (miopatiya) əziyyət çəkirmiş.
Vervut “London-2012” Paralimpiadasında əlil arabasında yarışda qalib gəlib.
Evtanaziya haqqında razılığını təsdiq edən sənədi idmançı hələ 2008-cı ildə imzalayıb.
Müsahibələrinin brində o, insanların yaddaşında güclü və gülərüz qalmaq istədiyini söyləyib.
22 oktyabr axşamı, çempion evtanaziya üsulu ilə həyatdan məhrum edilib.
Qeyd edək ki, Belçikada 2002-ci ildən evtanaziyaya rəsmi icazə var.