Masallı rayonunda qətl hadisəsi baş verib.
ÇıxışYolu.Com-ın cənub bürosunun məlumatına görə, rayon sakini, 1974-cü il təvəllüdlü Nicat Şəbiyev ailə-məişət münaqişəsi zəminində həyat yoldaşı, 1984-cü il təvəllüdlü Günay Şəbiyevanı bıçaqlayıb.
Yaralı Masallı Rayon Mərkəzi Xəstəxanasına çatdırılıb, lakin həkimlər onun həyatını xilas edə bilməyiblər.
Hadisəni törədən şəxs polis və prokurorluq orqanları əməkdaşlarının birgə keçirdikləri təxirəsalınmaz istintaq və əməliyyat-axtarış tədbirləri nəticəsində saxlanılıb.
Faktla bağlı cinayət işi açılıb, araşdırma aparılır.