Əməkdar artist Miri Yusifin ötən həftə təqdim etdiyi “Uyma” adlı mahnısına çəkdirdiyi klip səs-küyə səbəb olub.
Belə ki, sənətçinin ekran işində tərəf müqabili yenə də cazibədar müğənni Dilarə Kazımova olub. Dilarənin dərin sinə dekolteli, uzun yarıqlı qara libasdakı obrazı birmənalı qarşılanmayıb, onu tənqid atəşinə tutanlar da olub.
Əməkdar artist Miri Yusif müzakirələrin mərkəzinə düşən klipi ilə bağlı ÇıxışYolu.Com-a açıqlama verib.
“Mən bu klipdə açıq-saçıq bir şey görmürəm. Normal, adi bir klipdir”, – deyə ifaçı şərh edib.
Miri Yusifin “Ad günü” klipindən fərqli olaraq, yeni ekran işində Dilarə ilə eyni kadrlarda yer almaması da diqqətdən yayınmayan məqamlardandır.
O, əməkdaşımızın “Yoxsa həyat yoldaşınızın qısqancılığından qorxmusunuz?” sualına qorxaq olmadığı cavabını verib:
“Mən belə şeylərdən qorxmuram. Qorxaq da deyiləm (gülür). Bu sadəcə rejissorun fikri idi”.
Rəşad Əliyev