Bakının Nəsimi rayonunda beşmərtəbəli binada yanğın baş verib.
ÇıxışYolu.Com xəbər verir ki, hadisə 3-cü mikrorayon dairəsi, Alı Mustafayev 3, bina 11 ünvanında qeydə alınıb.
Beşmərtəbəli binanın zirzəmisində başlayan yanğın qısa zamanda şiddətlənib.
Dərhal əraziyə FHN-in Yanğından Mühafizə İdarəsinin texnika və canlı qüvvəsi cəlb edilib.
Yanğın qısa zamanda söndürülüb, alovun mənzillərə və ətraf ərazilərə keçməsinin qarşısı alınıb.
Məlumata görə, hadisə zamanı xəsarət alan olmayıb.
İlkin ehtimala əsasən, yanğın zirzəmidəki elektrik naqillərində yaranan qısaqapanmadan başlayıb.
Faktla bağlı araşdırma aparılır.
Kamil Əmirli