Niderlandın Utrext şəhərində atışma barədə məlumat vermişdik. Niderland polisi hadisəni törədən şəxsin 37 yaşlı türk əsilli Gökmən Tanış olduğunu bildirib.
BBC-nin məlumatına görə, Gökmən Tanış Türkiyədə anadan olmuş Niderland vətəndaşıdır. Onun Çeçenistanda hərbi əməliyyatlarda iştirak etdiyi, bir neçə il öncə İŞİD-lə əlaqələrinə görə həbs olunduğu bildirilib.
Hadisə şahidlərinin dediyinə görə, Gökmən Tanış tramvayda qəfildən silahını çəkib və hər kəsə atəş açmağa başlayıb.
Hadisə nəticəsində 3 nəfər ölüb, 9 nəfər yaralanıb.
Baş vermiş hadisədən sonra ölkədə təhlükəsizlik tədbirləri artırılıb.
