Bakı-Ələt yolundakı qəzada bir nəfər ölüb.
ÇıxışYolu.Com xəbər verir ki, “VAZ 2107”də olan sərnişin Cəfərov Lətif Razi oğlu avtomobildə sıxılı vəziyyətdə qalıb.
O, aldığı xəsarətlərdən hadisə yerində ölüb.
L.Cəfərovun meyitini FHN-in Xüsusi Riskli Xilasetmə Xidmətinin əməkdaşları çıxararaq Məhkəmə Tibbi Ekspertiza və Patoloji Anatomiya Birliyinə təhvil veriblər.
23:16
Bakıda ağır qəza baş verib.
ÇıxışYolu.Com xəbər verir ki, hadisə Bakı-Ələt yolunda olub.
Qarşı yola çıxan “VAZ-2107” markalı avtomobil “Kamaz” markalı yük maşını ilə toqquşub.
Hadisə nəticəsində yaralanan 1988-ci il təvəllüdlü Ağamalıyev Qürbət Novruz oğlu Klinik Tibbi Mərkəzə çatdırılıb.
Sosial şəbəkələrdə qəzanın görüntüləri yayılıb.
