Cümhurriyətimizin 101-ci ilində Azərbaycan regionun lider dövləti olaraq bir çox layihələrə imza atıb.
Bu gün 23 ay yaşamış Cümhuriyyətimizin tarixindən danışırıq, əldə olunan uğurlarından danışırıq. Ümumrespublika yayımına çıxaraq Azərbaycan tamaşaçılarının 60 faizdən çoxunun diqqət mərkəzinə düşən REAL TV yeni layihəsi ilə həmdə müstəqilliyimizin ikinci dəfə bərpasından sonrakı yaxın tarixə də nəzər salacaq.
Birinci Qarabağ müharibəsi və müstəqilliyimizin ilk illərində baş verənləri tamaşaçıların yaddına salacaq.
Söhbət Azərbaycanın müasir tarixinin, Birinci Qarabağ Savaşının başladığı zamanı əhatə edən arxivin ortaya çıxarılmasından gedir.
Ötən həftə “Mir Şahinin vaxtı” verilişində bunun şahidi olduq.
26 il öncə hərbi operator İlham Ələkbərovun lentə aldığı və heç vaxt yayımlanmayan video görüntülər tamaşaçılara təqdim olundu.
Bununla bağlı layihənin rəhbəri Eldəniz Elgün bildirdi ki, bu hələ başlanığıcdır. Tamaşaçılarımızı qarşıda yeniliklər gözləyir.
Layihənin reallaşmasında iştirakçı olan, 1992-93-cü illərdə hərbi operator kimi cəbhə bölgələrində fəaliyyət göstərən İlham Ələkbərov REAL TV-yə açıqlamasında bildirdi ki, belə bir layihədə iştirakdan məmnundur və fəxr edir ki, o zamanın tarixinin yazılmasında iştirakçıdır
Açıqlamasında Eldəniz Elgün bunu da bildirdi ki, REAL TV həmçinin o zamanımızın siyasi tarixini də tamaşaçılara çatdıracaq. O həmçinin tamaşaçılara müraciət edərək o dövrlə bağlı vətəndaşlarda olan video, audio çəkilişləri, hətta foto lentləri belə REAL TV-yə təqdim etmələrininin vacibliyini bildirdi.
Həqiqətən də tariximizi özü də uzaqda olmayan tariximizi bir yerdə REAL TV-də yazmağın zamanı çatıb.