Sabunçu rayonundakı qəzanın təfərrüatları bəlli olub.
ÇıxışYolu.Com xəbər verir ki, hadisə Kürdəxanı yolunda baş verib.
1957-ci il təvəllüdlü Abbasov Hidayət Məhəmmədəli oğlunun idarə etdiyi minik avtomobili qarşıdan gələn minik maşını ilə toqquşub.
Qəza nəticəsində H.Abbasov yaralanıb. Digər avtomobildə olan üç nəfərdən ikisi xəsarət alıb.
1966-cı il təvəllüdlü Babayeva Rəfiqə Hüseyn qızı və onun gəlini 1990-cı il təvəllüdlü Səfərova Sevinc Zahid qızı yaralanıb.
Hər üç yaralı müxtəlif dərəcəli bədən xəsarətləri ilə 3 saylı Şəhər Klinik Xəstəxanasına aparılıb.
H.Abbasova döş qəfəsinin əziyi, körpücük sümüyünün sınığı, R.Babayevaya sol qolun və ayağın əzilməsi, S.Səfərovaya isə qarının küt travması diaqnozu qoyulub.
Faktla bağlı Sabunçu Rayon Polis İdarəsində araşdırma aparılır.
23:06
Abşeron rayonu Məhəmmədi kəndində yol qəzası olub.
ÇıxışYolu.Com xəbər verir ki, hadisə “LUKoil” yanacaqdoldurma məntəqəsi yaxınlığında baş verib.
Səhiyyə Nazirliyindən hadisə ilə bağlı verilən məlumata görə, qəzada 2 qadın, 2 kişi olmaqla 4 nəfər yaralanıb: “Yaralılar dərhal 3 saylı şəhər xəstəxanasına yerləşdiriliblər. Müxtəlif dərəcəli travmalar var. Hazırda müalicələri davam edir”.
Elşad Mətləboğlu, Kamil Əmirli