Salyanda “mal bazarı”nda mühafizəçi bıçaqlanıb.
ÇıxışYolu.Com-ın bölgə müxbirinin məlumatına görə, hadisə bu gün axşam saatlarında şəhərin “PMK-9” adlanan ərazisində baş verib. Həmin ərazidə yerləşən “mal bazarı”nda mühafizəçi işləyən Salyan şəhər sakini, 1989-cu il təvəllüdlü Novruzov Anar Saləddin oğlu tanımadığı şəxslər tərəfindən boğazından bıçaqlanıb.
Yaralı Salyan Mərkəzi Rayon Xəstəxanasına çatdırılıb. O, cərrahiyyə şöbəsində əməliyyat olunub. Vəziyyətinin orta-ağır olduğu bildirilir.
Hadisənin kim və ya kimlər tərəfindən, hansı səbəbdən törədildiyi hələ ki məlum deyil.
Faktla bağlı araşdırma aparılır.