Şabranda yol-nəqliyyat hadisəsi baş verib.
ÇıxışYolu.Com-ın bölgə müxbiri xəbər verir ki, hadisə rayonun Şahnazərli kəndində qeydə alınıb.
İki maşının toqquşması nəticəsində bir ailənin iki üzvü, Sumqayıt şəhər sakinləri – 34 yaşı Namiq İbrahimov, onun həyat yoldaşı 36 yaşlı Minirə İbrahimova və digər maşının sürücüsü Malik Nemətov müxtəlif bədən xəsarətləri alıb. Hər üç yaralı Şabran Rayon Mərkəzi Xəstəxanasına yerləşdirilib.
Faktla bağlı araşdırma aparılır.