Xaçmazda quşçuluq fermasında baş verən yanğın nəticəsində 5 min cücə tələf olub.
ÇıxışYolu.Com-ın bölgə müxbirinin verdiyi məlumata görə, hadisə rayonun Cağatay kəndində baş verib.
500 kvadratmetr sahəsi olan fermasının 200 kv.m ərazisi yanıb. Yanğının söndürülməsi üçün əraziyə Fövqəladə Hallar Nazirliyinin Xaçmaz Yanğından Mühafizə hissəsinin 3 yanğınsöndürən maşını və canlı qüvvəsi cəlb olunub. 300 kv.m ərazi yanğından mühafizə olunub və alovun daha geniş əraziyə keçməsinin qarşısı alınıb.
Faktla bağlı araşdırmalar aparılır.
Tehran Orucoğlu