Sahil qəsəbəsindəki yanğında xəsarət alan şəxslərdən biri, təxminən 30-35 yaşlarında qadın xəstəxanaya yerləşdirilib.
ÇıxışYolu.Com xəbər verir ki, zərərçəkən yüngül tüstüdən zəhərlənmə şikayəti ilə 1 saylı Klinik Tibbi Mərkəzin Toksikologiya şöbəsinə gətirilib.
Əldə etdiyimiz məlumata görə, qadının vəziyyəti normaldı.
Müayinələrdən sonra evə buraxılacaq.
14:04
Bu gün Bakı şəhəri, Qaradağ rayonu, Sahil qəsəbəsi, Emin Qulyiev küçəsində yerləşən beşmərtəbəli yataqxanada yanğın olub.
ÇıxışYolu.Com-nun məlumatına görə, saat 12:30 radələrində başlayan yanğının elektrik xətlərində qısaqapanma səbəbindən baş verdiyi ehtimal olunur.
Yanğın məcburi köçkünlərin məskunlaşdığı yataqxananın 5-ci mərtəbəsində başlayıb. Nəticədə 2 otaq yanıb.
Tüstüdən boğulmaq təhlükəsi ilə üzləşən biri 15 günlük körpə olmaqla, 4 nəfər binanın damından Fövqəladə Hallar Nazirliyinin xüsusi texnikasından istifadə olunmaqla xilas edilib.
Ümumilikdə, yanğın zamanı 7 nəfər tüstüdən zəhərlənib. Onlara ilkin tibbi yardım göstərilib.