DÇ-2024: Azərbaycan millisi Qazaxıstanın qonağı olacaq
Futzal üzrə Azərbaycan millisi 2024-cü ildə keçiriləcək dünya çempionatının
(DÇ-2024) elit mərhələsində növbəti oyununa çıxacaq.
Cixisyolu.com xəbər verir ki, A qrupunda yer alan yığma IV turda Qazaxıstanla
qarşılaşacaq.
Beş gün əvvəl Bakıda rəqibinə məğlub olan (2:4) Vitali Borisovun yetirmələri
bu dəfə səfər matçına çıxacaqlar. Astanadakı Jekpe-Jek Sarayında baş tutacaq
qarşılaşma Bakı vaxtı ilə saat 18:00-da start götürəcək. Görüşü sloveniyalı
hakimlər Trayan Ençev, Kaloyan Kirilov və İvo Tsenov idarə edəcəklər.
Hazırda Qazaxıstan doqquz xalla qrupda liderlik edir. Yığmamız 3 xalla üçüncü
pillədə qərarlaşıb.