2026-cı ildə futbol üzrə dünya çempionatı ABŞ, Kanada və Meksikada keçiriləcək.
ÇıxışYolu.Com xəbər verir ki, bu barədə Rusiyanın paytaxtı Moskvada keçirilən FIFA-nın 68-ci konqresində qərar verilib.
2026-cı ildə keçiriləcək dünya çempionatında ilk dəfə olaraq 48 komanda yarışacaq.
İlk olaraq turnirin keçirilməsi üçün altı ərizə təqdim olunmuşdu. Sonda bu müraciətlərdən yalnız ikisi mübarizə aparıb: Mərakeş və ABŞ-ın, Kanada və Meksikanın birgə müraciətlərinə baxılıb.
ABŞ dünya çempionatına 1994-cü ildə, Meksika isə 1970 və 1986-cı ildə ev sahibliyi edib.