Dilan-Engin Polat cütlüyünü silahlı basqında ittiham edən sosial media
fenomeni prokurorluğa aparıldı – FOTO
Bizim WhatsApp kanalımıza buradan abunə ola bilərsiniz
Silahla bağlı paylaşımlarına görə İstanbulda saxlanılan türkiyəli sosial media
fenomeni, müğənni Banu Parlak prokurorluğa aparılıb.
Ötən gün bu səbəblə polis tərəfindən saxlanılan fenomenin evində aparılan
axtarış zamanı sənədsiz tapança aşkarlanıb. Aparılan istintaq çərçivəsində
saxlanılan Parlak gecəni həbsdə keçirib.
Banu Parlak verdiyi ifadədə təhdidlər aldığı üçün silah saxladığını bildirib.
Səhər saatlarında Büyükçekmece Ədliyyəsinə aparılan fenomen polis idarəsindən
çıxarkən jurnalistlərin suallarını cavabsız qoyub.
Qeyd edək ki, Banu Parlak çəkdiyi videoda tapançasını nümayiş etdirib və
lisenziyalı olduğunu deyib.
“Mənim də maşın, ev yox, belə maraqlarım var, nə edək indi? Bu günü çox
gözlədim. Yeri gəlmişkən, lisenziyası var, heç kimin bundan xəbəri olmamalıdır
və heç kimi də silah saxlamağa təşviq etmirəm. Hər kəsin hobbisi var, dostum.
Hər gün dəli kimi film izləyirlər, elə deyilmi? Mafiya başçıları havada
uçuşurlar. Bizim elə bir şeyimiz yoxdur. Hazırda, hətta içi də boşdur.
Sevirik”, – deyə o, paylaşımda bildirib.
Banu Parlak, həmçinin kooperativ fırıldaqçılıq ittihamı ilə noyabrın 3-də
İstanbul Hava Limanında saxlanılıb, daha sonra sərbəst buraxılıb.
Eyni zamanda Banu Parlak çirkli pulların yuyulmasına görə həbs edilən iş
adamları Dilan və Engin Polat cütlüyünü özünə məxsus gözəllik mərkəzinə silahlı
hücum təşkil etməkdə və ona qarşı sui-qəsd hazırlamaqda ittiham edib.
1987-ci ildə anadan olan və əslən Kastamondan olan sosial media fenomeni
“Instagram” hesabında avtomobildə paylaşdığı mahnılarla diqqət çəkib, daha
sonra isə “Narin yarım” adlı mahnı ilə musiqi karyerasına başlayıb.
Mənbə: Haber Global
