Nardaran qəsəbə sakinlərindən xeyli sayda silah-sursat götürülüb.
Bu haqda ÇıxışYolu.Com-a Daxili İşlər Nazirliyinin mətbuat xidmətindən məlumat verilib.
Məlumatda bildirilir ki, Sabunçu Rayon Polis İdarəsi 42-ci Polis Bölməsinə Nardaran qəsəbə sakini Əminağa Babayevdə odlu silah-sursat olması barədə əməliyyat məlumatı daxil olub.
Bölmə əməkdaşlarının həyata keçirdikləri təxirəsalınmaz əməliyyat-axtarış tədbiri nəticəsində həmin şəxs saxlanılıb. Ə.Babayev ifadəsində silahı yaşadığı evin həyətindəki su quyusunda gizlətdiyini bildirib.
Qeyd edilən ünvana hal şahidlərinin iştirakı ilə baxış keçirilən zaman, 12 metr dərinliyində olan quyudan bir ədəd sandıqçasında 20 ədəd patron olan “Kalaşnikov” markalı avtomat aşkar olunaraq götürülüb.
42-ci Polis Şöbəsi əməkdaşlarının həyata keçirdikləri növbəti əməliyyat nəticəsində qanunsuz odlu silah-sursat saxlamaqda şübhəli bilinən daha bir nəfər saxlanılıb. Həyata keçirilən əməliyyat-axtarış tədbiri nəticəsində Nardaran qəsəbə sakini, əvvəllər məhkum olunmuş Fəxrəddin Hacıyev tutularaq bölməyə gətirilib.
Onun qəsəbə ərazisində yerləşən evinin həyətinə baxış zamanı torpağa basdırılan bir ədəd “Karabin” markalı yivli tüfəng, bir ədəd “Makarov” markalı tapança, iki ədəd F-1 əl qumbarası və alışqanı, bir ədəd “AK 74” avtomatına məxsus süngü bıçağı, həmçinin 65 ədəd müxtəlif növ patron aşkar olunaraq götürülüb.
Qeyd edilən faktlarla bağlı 42-ci Polis Bölməsində toplanan material araşdırılması üçün Sabunçu Rayon Polis İdarəsinin İstintaq Şöbəsinə göndərilib.
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/71ad4c81e6673991bc8f0a5d3a1a4cc2-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/a7c744b02c7ee559241a5b824b2ca2a3-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/8fee313f2febe8456ca0013e7ae59e49-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/f3ef0b3ba85d9b37fd694d24f876193a-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/af84d1efef2daf92dbee93dc43652501-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/bd49c783d432d8f9e3de562741370db6-1.jpg)
![DİN Nardaranda əməliyyat keçirdi - FOTO](https://cixisyolu.info/wp-content/uploads/2018/04/01edffd3971cfff1678a2f3a9f2ea346-1.jpg)