Braziliyada səhvən diri-diri basdırılan və 8 saat mərazda qalan körpə sağ qalıb.
ÇıxışYolu.Com xəbər verir ki, bununla bağlı “The Mirror” nəşri məlumat yayıb.
Uşağı iki polis aşkarlayıb: onlar qəbirstanlıqda yerin altından səs eşidiblər və qazıblar. 50 santimetr dərinlikdə polislər azyaşlı qızı aşkar ediblər.
Təhlükəsizlik əməkdaşları azyaşlının bütün sümüklərinin sındığını bildiriblər və o, xəstəxanaya aparılıb. Həkimlər körpəni intensiv terapiya şöbəsinə yerləşdiriblər və onun vəziyyətinin stabil olduğunu açıqlayıblar.
Polisin məlumatına görə, azyaşlının anası 15 yaşlı hind əsilli Braziliya vətəndaşıdır. Onun barəsində araşdırmalar başlayıb. Qadın deyib ki, onun ağrıları hamam otağında başlayıb və uşaq başı üstə yerə dəyib. Doğumdan sonra uşaq ağlamayıb və qadının 57 yaşlı nənəsi azyaşlının öldüyünü deyib.
Yaşlı qadın ənənəyə sadiq qalaraq, azyaşlının dəfn olunmasını məsləhət görüb.
Polis rəisi hesab edir ki, baş verənlər möcüzədir.