Dövlət Neft Fondunun 2024-cü il üçün büdcə layihəsi Prezidentə təqdim olunacaq
Bizim WhatsApp kanalımıza buradan abunə ola bilərsiniz
Dövlət Neft Fondunun 2024-cü il üçün büdcə layihəsi Azərbaycan Prezidentinə
təqdim olunacaq.
Bu barədə Nazirlər Kabineti məlumat yayıb.
Bildirilib ki, Dövlət Neft Fondunun Müşahidə Şurasının iclası keçirilib.
Azərbaycanın Baş naziri, ARDNF-nin Müşahidə Şurasının sədri Əli Əsədovun
sədrliyi ilə keçirilən iclasın gündəliyində Dövlət Neft Fondunun 2024-cü il
üçün büdcə layihəsi, fondun investisiya siyasəti, investisiya portfelinin
valyuta tərkibi və digər cari məsələlər ətraflı müzakirə olunub.
İclasda ARDNF-nin icraçı direktoru İsrafil Məmmədovun məruzəsi dinlənilib.
İclasın yekununda fondun Müşahidə Şurasının üzvlərinin rəy və təklifləri
nəzərə alınmaqla Dövlət Neft Fondunun 2024-cü il üçün büdcə layihəsinin
Azərbaycan Respublikasının Prezidentinə təqdim olunması barədə müvafiq qərar
qəbul olunub.