Dünyanın ən güclü atom elektrik stansiyasının istismarına qoyulan qadağa
aradan qaldırılıb
Bizim WhatsApp kanalımıza buradan abunə ola bilərsiniz
Yaponiyanın Atom Enerjisinə Nəzarət Komitəsi Niiqata prefekturasında yerləşən
dünyanın ən güclü atom elektrik stansiyası olan Kasivazaki-Karivanın
istismarına qoyulan qadağanı ləğv etmək qərarına gəlib.
2021-ci ilin aprelində təhlükəsizlik pozuntuları səbəbindən stansiyanın
fəaliyyəti faktiki olaraq qadağan edilib və komitə nüvə yanacağını stansiyaya
ötürməkdən imtina edib. O vaxtdan bəri nüvə tənzimləyicisi rəsmiləri Tokio
Elektrik Enerjisi Şirkətinin (TEPCO) bərpa prosesini izləmək üçün stansiyada
çoxsaylı yoxlama həyata keçirib.
İki ildən artıqdır ki, TEPCO nüvə stansiyalarının təhlükəsizliyinin
yaxşılaşdırılmasında irəliləyiş əldə edib. Xüsusilə, terror aktlarına qarşı və
fırtınalı hava şəraitinə qarşı tədbirlər gücləndirilib, nüvə materiallarının
mühafizəsi üçün avadanlıqlar təkmilləşdirilib. Yaponiya Nazirlər Kabinetinin
Baş Katibi Yosimasa Hayasi Tokioda keçirdiyi mətbuat konfransında qeyd edib ki,
hökumət Kasivazaki-Karivada aparılan təhlükəsizlik təkmilləşdirmələrinə böyük
əhəmiyyət verir və ölkədəki atom elektrik stansiyalarının mərhələli şəkildə
yenidən işə salınması siyasətini davam etdirmək niyyətindədir.
Mənbə: TASS