Azərbaycanın Baş naziri Əli Əsədov rəsmi səfəri çərçivəsində ölkəmizin
Belarusdakı səfirliyini ziyarət edib.
Bu barədə Cixisyolu.com “Belta.by” nəşrinə istinadən xəbər verir.
Səfər zamanı Əli Əsədov diplomatlar qarşısında çıxış edib və qarşıda duran
əsas vəzifələrdən, eləcə də ikitərəfli münasibətlərin inkişafı
istiqamətlərindən danışıb.
Azərbaycanın Belarusdakı səfirliyinin müşaviri Mahir Hacıyev qeyd edib ki, baş
nazir görüşdə ölkələrimiz arasında əlaqələrin səviyyəsindən bəhs edib.
Onun sözlərinə görə, iki dövlətin liderlərinin sayəsində Azərbaycan və Belarus
arasında münasibətlər ən yüksək səviyyədədir.
