Əməkdar artist Cavanşir Məmmədov dəfn olundu – YENİLƏNİB + FOTO/VİDEO
Bizim WhatsApp kanalımıza buradan abunə ola bilərsiniz
Əməkdar artist Cavanşir Məmmədovin nəşi Qurd qapısı qəbiristanlığına aparılıb.
Cixisyolu.com bildirir ki, mərhum sənətçi anası Gülü Məmmədovanın yanında dəfn olunub.
16:06
Əməkdar artist Cavanşir Məmmədovla evində keçirilən vida mərasimi başa çatıb.
Cixisyolu.com bildirir ki, onun nəşi dəfn olunması üçün Qurd qapısı qəbiristanlığına
aparılır.
15:48
Əməkdar artist Cavanşir Məmmədovun nəşi Göy məsciddən evinə aparılıb.
Cixisyolu.com bildirir ki, mərhum sənətçi ilə vida mərasimi keçirilir.
15:26
Əməkdar artist Cavanşir Məmmədov Qurd qapısı qəbiristanlığında dəfn olunacaq.
Bunu Cixisyolu.com-a açıqlamasında Cavanşir Məmmədovun qudası Vəli Məmmədov deyib.
Onun sözlərinə görə, mərhum sənətçi yüksək təzyiqdən və şəkər xəstəliyindən
əziyyət çəkirmiş:
“Hazırda başımız yas məclisinə qarışdığı üçün onun konkret olaraq nədən vəfat
etdiyini bilmirik, heç həkimin verdiyi kağıza da baxmamışıq”.
Hazırda Cavanşir Məmmədovun cənazə namazı qılınır.
15:15
Bu gün səhər saatlarında ürək çatışmazlığından vəfat edən Əməkdar artist
Cavanşir Məmmədovun nəşinin ekspertizası bitib.
Cixisyolu.com-ın məlumatına görə, onun cənazəsi Göy məscidə gətirilib.
13:57
Əməkdar artist Cavanşir Məmmədovun dəfn olunacağı yer açıqlanıb.
Cixisyolu.com-ın məlumatına görə, o, Yasamal qəbiristanlığında dəfn ediləcək.
Onun nəşi ekspertiza üçün Respublika Klinik Xəstəxanasına aparılıb, sonra isə
Göy məscidə göndəriləcək.
Daha çox şəkil burada: PhotoStock.az
13:18
Əməkdar artist Cavanşir Məmmədovla bağlı aprelin 20-də saat 12:03-də
Respublika Təcili və Təxirəsalınmaz Tibbi Yardım Mərkəzinə çağırış daxil olub.
Bu barədə Cixisyolu.com-a Tibbi Ərazi Bölmələrini İdarəetmə Birliyindən (TƏBİB)
məlumat verilib.
“Saat 12:05-də təcili yardım briqadası çağırış ünvanına cəlb olunub. Ünvanda
həkiməqədər ölüm qeydə alınıb”, – məlumatda deyilir.
12:55
Əməkdar artist Cavanşir Məmmədov vəfat edib.
Axşam.az-ın məlumatına görə, müğənni bu gün ürək çatışmazlığından dünyasını
dəyişib.
Xəbəri onun duet ortağı Firuzə İbadova təsdiqləyib.
Əzizə İsmayılova, Rövşən Əsədov
