Ermənistandakı Metsamor AES-in reaktoru bu gündən etibarən təmirə bağlanacaq.
ÇıxışYolu.Com RİA Novosti-yə istinadla xəbər verir ki, reaktor və 3 saylı turboaqreqat dayandırılacaq.
Avqustun 1-də modernləşdirilmiş 4 saylı turboaqreqatın istifadəyə verilməsi nəzərdə tutulur. 3 saylı turboaqreqatdakı işlərin isə dekabrın 1-də başa çatması gözlənilir.
AES-in enerji bloku reaktordan və 2 turboaqreqatdan təşkil olunub. Bu il aprelin 14-də modernləşdirmə üçün 4 saylı turboaqreqatın fəaliyyəti dayandırılıb.
Ermənistan hökumətinin proqramı AES-in istismar müddətini 2026-cı ilədək uzatmağı nəzərdə tutur.
Maliyyələşmə Rusiyanın 270 milyon dollar məbləğində verdiyi dövlət ixrac krediti və 30 mln. dollar məbləğində ayırdığı qrantın hesabına həyata keçiriləcək.