Ermənistan bankları Rusiyanın “Mir” kartlarına xidmət göstərməyi dayandırıb
Bizim WhatsApp kanalımıza buradan abunə ola bilərsiniz
“Armenian Card” (ArCa) milli ödəniş sisteminin üzvü olan Ermənistan bankları
bu gecədən Rusiyanın “Mir” kartlarına xidmət göstərməyi dayandırıb.
Bu barədə sistemin çağrı mərkəzindən məlumat verilib.
“ArCa”nın operatoru bu məsələ ilə bağlı banklarla əlaqə saxlamağı tövsiyə edib.
Xatırladaq ki, iki həftə bundan əvvəl “ArCa”nın üzvü olan banklar Rusiyanın
“Mir” sisteminə məxsus kartlara xidmət göstərməyi dayandırmaq barədə rəsmi
bildiriş alıb. Bununla belə “Mir” kartlarına xidmət göstərən “Bank VTB Armenia”
(Rusiyanın “Bank VTB”sinin törəmə müəssisəsi) Ermənistanda Rusiya kartları ilə
işləməyə davam edəcək.
Xatırladaq ki, ABŞ “Bank VTB”yə sanksiya tətbiq edib.
Mənbə: Ermənistan KİV