Ermənistan ərazisinə daxil olmağa cəhd etmiş xaricilər Banqladeş vətəndaşlarıdır.
ÇıxışYolu.Com xəbər verir ki, bu barədə “Sputnik-Armeniya” Ermənistanın Müdafiə naziri v.i.e Viqen Sarkisyana istinadən məlumat yayıb.
“Sərhədi pozanlar Banqladeş vətəndaşlarıdır. Onlar Ermənistanın Milli təhlükəsizlik xidmətinə təhvil verilib.”, – deyə Sarkisyan bildirib.
İnsidentin təfərrüatı barədə məlumat verilmir.
Azərbaycanın Müdafiə nazirliyi altı nəfərin Ermənistan sərhədinə keçməsi ilə bağlı informasiyanı təsdiq etməyib.
“Bizdə belə bir məlumat yoxdur”, – deyə nazirliyinin rəsmisi bildirib.