Ermənistanda “Sputnik Radiosu”nun yayımına qoyulan qadağa aradan qaldırılıb
Bizim WhatsApp kanalımıza buradan abunə ola bilərsiniz
Ermənistanın Televiziya və Radio Komissiyası Rusiyanın “Sputnik Ermənistan”
radiosunun ölkədə yayımına qoyulan qadağanı ləğv edib.
Qeyd olunub ki, radiostansiya yanvarın 25-də efirə qayıdacaq.
“Biz hesab edirdik ki, yayımın bərpası üçün minimum tələblər yerinə yetirilib.
Rusiya tərəfində təəssüf hissi var”, – deyə departamentin rəhbəri Tiqran
Akopyan bildirib.
Akopyan əlavə edib ki, lazımi tələblər yerinə yetirilməsə, lisenziya ləğv
ediləcək, “Sputnik Ermənistan” radiosunun retranslyatoru olan “Tospa” şirkəti
isə ölkədə yayımlanmayacaq.
Qeyd edək ki, dekabrın 20-də komissiya “Tospa”nın lisenziyasını 30 gün
müddətinə ləğv edib. Agentlik radio yayımlarında “Audiovizual media haqqında”
ölkə qanununun bir sıra müddəalarının pozulmasını iddia edir. Söhbət “Cümə günü
Tiqran Keosayanla” verilişinin 17 noyabr 2023-cü il tarixli buraxılışından
gedir. Ermənistan hakimiyyətinin fikrincə, aparıcı ölkənin şərəf və ləyaqətini
alçaldan bəyanatlar verib.
Mənbə: octagon.media