Dünya Fudbol Federasiyası (FİFA) futbol üzrə dünya çempionatının yayımında gözəl qızların ekranda az görünməsi ilə bağlı televiziya yayımçılarına çağırış edib.
ÇıxışYolu.Com xəbər verir ki, bununla bağlı “Associated Press”məlumat yayıb.
Bu məsələ FİFA ilə “Avropada futbol irqçiliyə qarşıdır” təşkilatının Moskvada keçirdiyi ayrı-seçkiliklə mübarizə və müxtəliflik məsələləri üzrə diskussiya forumunda müzakirə edilib.
FİFA-nın davamlı inkişafı üzrə departamentinin rəhbəri Federiko Addekkinin sözlərinə görə, efirlərdə gözəl qızların göstərilməsi zamanı bəziləri seksizm barədə düşünür. O hesab edir ki, FİFA-nın bu məsələyə münasibəti normal təkamüldür.
Cinsi təcavüzə canlı yayıma çıxan jurnalist qadınlar da məruz qalıb. Moskvada rusiyalı fanat canlı yayım zamanı “Deutsche Welle”nin jurnalisti Culyet Qonsales Teranın sinəsindən tutub. Daha sonra fanat üzr istəyib.
Braziliyalı jurnalistlər “Ona işləməyə imkan ver” kampaniyasına başlayıb və bunun üçün sosial şəbəkələrdə #letherwork həştəqi yaradılıb.