Beynəlxalq Futbol Federasiyaları Assosiasiyası (FIFA) transferlərlə bağlı yeni
plan hazırlayıb. Buna uyğun olaraq, FIFA 1-10 iyun 2025-ci il tarixləri
arasında qüvvədə olacaq yeni transfer dövrü tətbiq edəcək.
Cixisyolu.com xəbər verir ki, mövcud transfer müddətinə əlavə olaraq nəzərdə tutulan
bu 10 günlük transfer dövrünün hazırda yalnız 2025-ci ilin yayında keçiriləcək
Klublararası Dünya Çempionatına qatılacaq komandalar üçün keçərli olacağı
bildirilib.
Bu müddət ərzində müqavilənin uzadılması və ya başqa komandaya transfer imkanı
təmin ediləcək.
FIFA-nın bu qərarı yalnız turnirdə iştirak edəcək 32 komandaya aid olsa da,
qitə federasiyaları istəsələr, bu transfer müddətində iştirak edə bilərlər.
Dünya futbolunun bu 10 günlük transfer müddətini həyata keçirməsi layihəsinin
səbəbi turnirdə iştirak edən klubların heyətlərini nizamlamasını təmin etmək və
turnir bitənə qədər müqaviləsi olan və ya bitəcək futbolçuların davamlılığını
təmin etməkdir.
Qeyd edək ki, turnir 2025-ci il iyunun 15-dən iyulun 13-dək ABŞ-də keçiriləcək.