“Forbes” Türkiyənin ən varlı on adamının siyahısını AÇIQLADI – FOTO
ABŞ-ın “Forbes” jurnalı 2022-ci ildə dünyanın ən zəngin adamlarının siyahısını
açıqlayıb.
Jurnalın məlumatına görə, Türkiyədə dollar milyarderlərinin sayı 27-dən 24-ə
düşüb.
1 – Murat Ülker
Murat Ülker 4,7 milyard dollarlıq sərvəti ilə Türkiyənin ən zəngin adamı olub.
2020-ci ildə sərvəti 6,3 milyard dollar olan Ülker dünya reytinqində 421-ci
yerdən 601-ci yerə düşüb.
2 – Ferit Şahenk
Türkiyənin ən varlı adamları siyahısında ikinci yeri 2,4 milyard dollarlıq
sərvətlə Ferit Şahenk tutub. 2021-ci ildə üç milyard dollarlıq sərvətə sahib
olan Şahenk 2022-ci il siyahısında 1292-ci yerdə qərarlaşıb.
3 – Hamdi Ulukaya
ABŞ-da türk qatığı nəhəngi Hamdi Ulukaya 2,4 milyard dollar sərvəti ilə
“Forbes”un ən zəngin türklər siyahısında üçüncü yerdədir. Onun sərvəti 2014-cü
ildə 1,92 milyard dollar olub.
4 – Erman Ilıcak
“Rönesans Holding”in sədri Erman Ilıcak 2,3 milyard dollarlıq sərvəti ilə
siyahıda dördüncü yerdədir.
5 – Filiz Şahenk
“Doğuş Holding”in qurucusu, mərhum iş adamı Filiz Şahenkin qızı, 2,2 milyard
dollar sərvəti olan Ayhan Şahenk Filiz “Şahenk” adını “Filiz makarna” brendinə
də verib. Ferit Şahenkin də bacısı olan Filiz Şahenk Ayhan Şahenk Vəqfinin
vitse-prezidentidir.
6 – Sezai Bacaksız
Nihat Özdemir ilə “Limak Holding”in qurucu ortağı olan Sezai Bacaksız 1,9
milyard sərvətlə altıncı yerdə qərarlaşıb.
“Forbes”un siyahısında 1579-cu sırada olan Sezai Bacaksız 2,3 milyard dollar
sərvəti ilə 2021-ci ildə həmin siyahıda 1362-ci olub.
7 – Nihat Özdemir
Türkiyə Futbol Federasiyası sədrliyindən istefa verən “Limak Holding”in qurucu
ortağı Nihat Özdemir 1,9 milyard dollarlıq sərvəti ilə Sezai Bacaksızdan dərhal
sonra siyahıda yeddinci yerdə qərarlaşıb.
8 – İbrahim Erdemoğlu
İbrahim Erdemoğlu Türkiyənin ən zəngin adamları siyahısında səkkizinci yerdə
qərarlaşıb. “Merinos Halı” və “Dinarsu Halı”nın başçısı olan “Erdemoğlu
Holding”in müdiri İbrahim Erdemoğlunun sərvəti 1,8 milyard dollardır.
9 – Semahat Sevim Arsel
1928-ci ildə Ankarada doğulan Semahat Sevim Arsel Vehbi Koç ilə Sadberk
Xanımın ən böyük övladıdır. O, 1,6 milyard dollar sərvəti ilə Koç ailəsindən 10
ən zəngin türk siyahısında nümayəndə olub.
10 – Hamdi Akın və ailəsi
Dünyanın bir çox yerində hava limanının operatoru və podratçısı olan Hamdi
Akın ailəsi ilə 1,5 milyard dollarlıq sərvətlə “Ən zəngin 10 türk” siyahısında
10-cu yerdə qərarlaşıb.
