Fransa Futbol Federasiyasının prezidenti Zidandan üzr istədi
Fransa Futbol Federasiyasının prezidenti Noel Le Qrey millinin keçmiş üzvü,
“Real”ın (Madrid) sabiq baş məşqçisi Zinəddin Zidandan üzr istəyib.
Xatırladaq ki, Noel Le Qrey dünən verdiyi açıqlamasında bildirmişdi ki, Zidan
millinin baş məşqçi vəzifəsinə namizəd olmayıb və ondan zəng gəlsə belə, ona
cavab verilməyəcək.
Bu açıqlama Fransa futbol ictimaiyyətinin kəskin reaksiyasına səbəb olub.
Nəticədə Noel Le Qrey sözlərini geri götürmək məcburiyyətində qalıb.
“Bu sözlər nə mənim fikirlərimi əks etdirir, nə də futbolçu və məşqçi kimi
Zidana olan münasibətimi dəyişir. Buna görə üzr istəyirəm”, – deyə Noel Le Qrey
vurğulayıb.
Mənbə: France-Presse