Gəncədə narkotik vasitənin təsiri altında avtomobil idarə edən saxlandı – FOTO
Bizim WhatsApp kanalımıza buradan abunə ola bilərsiniz
Gəncə Şəhər Baş Polis İdarəsinin Dövlət Yol Polisi Şöbəsinin (ŞBPİ DYPB)
əməkdaşları tərəfindən keçirilən tədbirlər nəticəsində narkotik vasitənin
təsiri altında avtomobil idarə edən VAZ və KIA markalı avtomobillərin
sürücüləri saxlanılaraq barələrində qanunamüvafiq tədbir görülüb.
Keçirilən monitorinqlər nəticəsində şəhər ərazisində yol hərəkəti qaydalarını
və ictimai asayişi nümayişkaranə şəkildə pozan VAZ-2107 markalı avtomobilin
istismarı dayandırılaraq sürücü barəsində protokol tərtib edilib. Araşdırmalar
zamanı “Range Rover” markalı avtomobilin sürücüsünün qanunla qadağan edilmiş
səs siqnalından istifadə etməsi də müəyyən olunub. Sürücü barəsində tərtib
olunan protokol və səs siqnalı müsadirə edilməsi üçün məhkəməyə göndərilib.
Bundan başqa keçirilən mütəmadi tədbirlər nəticəsində bir qrup gəncin özlərinə
məxsus müxtəlif markalı avtomobillərlə qanunla qadağan edilməsinə baxmayaraq
avtomobilə konstruksiya dəyişikliyi edərək digər hərəkət iştirakçılarına
təhlükə yaratdığı məlum olub. Həmin sürücülər saxlanılaraq onlarla profilaktiki
söhbət aparılıb və barələrində qanunamüvafiq tədbir görülüb. Qanunsuz
dəyişikliklər aradan qaldırıldıqdan sonra nəqliyyat vasitələri istismara
buraxılıb.
