Gəncədə narkotiki çəkib avtomobil idarə edən şəxs saxlanılıb
Gəncə şəhər Baş Polis İdarəsinin Dövlət Yol Polisi Şöbəsinin əməkdaşları
tərəfindən şəhər ərazisində hərəkətdə olan “LADA” markalı avtomobilin sürücüsü
manevr qaydalarını pozduğu üçün saxlanılıb.
Bu barədə Daxili İşlər Nazirliyinin Mətbuat Xidmətinin Gəncə regional qrupu
məlumat yayıb.
Bildirilib ki, həmin nəqliyyat vasitəsini idarə edən Vaqif Məmmədovun narkotik
vasitə qəbul etməsinə dair şübhələr olduğundan o, tibbi müayinədən keçirilib.
Müayinənin nəticəsinə əsasən V. Məmmədovun narkotik vasitədən istifadə etdiyi
məlum olub.
Şəxs barəsində toplanmış materiallar hüquqi qiymət verilməsi üçün aidiyyəti
məhkəməyə göndərilib.