Gəncədə qəza törədən sürücü dörd gün sonra xəstəxanada ölüb
Bizim WhatsApp kanalımıza buradan abunə ola bilərsiniz
Gəncədə qəza törədən sürücü dörd gün sonra xəstəxanada vəfat edib.
“Report”un məlumatına görə, 1981-ci il təvəllüdlü Ramil Əskərov noyabrın 11-də
idarə etdiyi “MOON 49” markalı mopedlə Gəncə şəhəri, Atatürk prospektində
hərəkətdə olarkən idarəetməni itirərək aşıb. O, beyin qanaması və kəllə
sümüklərinin sınığı xəsarətləri ilə xəstəxanaya çatdırılıb.
Yaralı noyabrın 15-də müalicə aldığı Gəncə şəhər 3 saylı xəstəxananın
reanimasiya şöbəsində ölüb.
Faktla bağlı Gəncə Şəhər Polis İdarəsində araşdırma aparılır.