General-mayor rəis təyin edildi
Bakı Şəhər Baş Polis İdarəsinin rəis müavini, general-mayor Sərdar Səfərov
vəzifəsindən azad olunub.
APA-nın əldə etdiyi xəbərə görə, bununla bağlı daxili işlər naziri,
general-polkovnik Vilayət Eyvazov əmr imzalayıb.
Vilayət Eyvazovun digər əmri ilə general-mayor Sərdar Səfərov Daxili İşlər
Nazirliyinin Baş İctimai Təhlükəsizlik İdarəsinin rəisi təyin edilib.
Məlumatı DİN-dən təsdiqləyiblər.
Qeyd edək ki, Daxili İşlər Nazirliyinin Baş İctimai Təhlükəsizlik İdarəsinin
sabiq rəisi, polis general-mayoru Oqtay Kərimov bir müddət əvvəl vəzifəsindən
azad olunaraq nazir müavini təyin edilib.