Güneyli gənc iki ilə yaxındır ki, həbsxanada işgəncələrə məruz qalır – FOTO
Bizim WhatsApp kanalımıza buradan abunə ola bilərsiniz
Güney azərbaycanlı fəal Milad Armun iki ilə yaxındır ki, həbsdə işgəncələrə
məruz qalır.
Bu barədə “Azad İran” “Telegram” kanalı xəbər verib.
Bildirilir ki, Xiyav (Meşqinşəhr) şəhərindən olan 25 yaşlı gənc 2022-ci il
noyabrın 3-də təhlükəsizlik qüvvələri tərəfindən Tehranda həbs edilib və
Kərəcin “Qızılhisar” həbsxanasına aparılıb.
Qeyd edək ki, o və başqa dörd nəfər 2022-ci ilin sentyabrında İran
hakimiyyətinə qarşı ölkə üzrə başlamış “Qadın, Həyat, Azadlıq” hərəkatı zamanı
Arman Əliverdi adlı hökumət məmurunun öldürülməsində ittiham olunurlar.