Hakerlər müflis olan birjadan fantastik məbləğdə pul oğurladılar
Müflis olmuş kriptovalyuta birjası FTX təxminən 415 milyon dollar vəsaitinin
hakerlər tərəfindən oğurlandığını elan edib.
Şirkətin hüquqşünaslarının təqdim etdikləri hesabatda qeyd olunur ki, 323
milyon dollarlıq kriptovalyuta FTX-nin beynəlxalq birjasından, 90 milyon dollar
isə ABŞ birjasından oğurlanıb.
Bundan əlavə, daha iki milyon dollar vəsait kripto-mərkəzli hedcinq fondu olan
“Alameda Research”ün hesabından çıxarılıb.
Ehtimal olunur ki, oğurluq 2022-ci ilin noyabrında, birjanın çökməsindən sonra
baş verib.
Mənbə: TASS