Almaniya Bundesliqasının son turunda 2:1 hesablı qələbəyə baxmayaraq, “Hamburq”un azarkeşləri Mönxenqladbax “Borussiya”sı ilə oyun zamanı stadionda iğtişaş törədib.
ÇıxışYolu.Com Lenta.ru-ya istinadla xəbər verir ki, hadisə ilə bağlı “YouTube” kanalında video yerləşdirilib.
Videodan göründüyü kimi, 57 min nəfərlik stadionun bir hissəsi tüstülənib. Vəziyyətə polis müdaxilə edib.
“Volfsburq” “Köln” üzərində qələbə qazanmaqla “Hamburq” elitada qalmaq şanslarını itirməsinə səbəb olub. Nəticədə “Hamburq” tarixi ərzində ilk dəfə 2-ci Bundesliqaya yuvarlanıb.