Heydər Əliyev Mərkəzində Yaponiyanın Hoşo Teatr Məktəbinin “Noh Opera”sı
səhnələşdiriləcək – FOTO
Bizim WhatsApp kanalımıza buradan abunə ola bilərsiniz
Heydər Əliyev Mərkəzində Yaponiyanın ənənəvi dram teatr sənəti olan “Noh” üzrə
ixtisaslaşan Hoşo Teatr Məktəbinin “Noh Opera”sı səhnələşdiriləcək. Tədbirdə
Azərbaycan və Yaponiyanın rəsmi şəxsləri, mədəniyyət və incəsənət nümayəndələri
iştirak edəcəklər.
Cixisyolu.com xəbər verir ki, 700 ildən çox tarixi olan “Noh” teatrı Yaponiyanın ən
qədim ifaçılıq sənətidir. Ənənəvi ədəbiyyat nağılları əsasında qurulan “Noh”
teatrı rəqs əsaslı səhnələri, maskaları, geyimləri və digər müxtəlif
atributları ehtiva edir.
Yüksək sənətkarlıq keyfiyyətinə görə bu incəsənət növü UNESCO-nun qeyri-maddi
mədəni irs siyahısına daxil edilib və bütün dünyada ifa olunur.
