Hindistanlı məşhur aktyor vəfat edib
Bizim WhatsApp kanalımıza buradan abunə ola bilərsiniz
Hindistanın veteran kinoaktyoru Çandra Mohan 78 yaşında dünyasını dəyişib.
O, 900-dən çox filmi ilə əfsanəvi hind artisti sayılır. O, həmçinin,
seriallarda da rol alıb.
Verilən məlumata görə, Mohanın ürəyində problem olub. O, ölkənin cənubundakı
Heydərabaddakı özəl xəstəxanalardan birinə aparılıb. Mohan həyatının son
günlərini məhz bu tibb müəssisəsində keçirib.
Aktyorun əsl adı Mallampalli Çandrasekhara Raodur. O, 1945-ci il mayın 23-də
Pamidimukkala kəndində anadan olub. Təhsilini kənd təsərrüfatı texnikumunda
alıb. Aktyor 1960-cı illərdən həyatını kino ilə sıx bağlayıb.
Mohanın ölümünün dəqiq səbəbi hələlik açıqlanmayıb.
Mənbə: The Times of India