Hirkan Milli Parkında baş verən yanğın söndürülüb.
Fövqəladə Hallar Nazirliyindən ÇıxışYolu.Com-a verilən məlumata görə, avqustun 20-də Lənkəran rayonunun Təngivan kəndi yaxınlığında Hirkan Milli Parkının ərazisində dağlıq zonada başlamış yanğın Fövqəladə Hallar Nazirliyinin müvafiq qüvvələri tərəfindən tam söndürülüb.
Qeyd edək ki, avqustun 20-də saat 14:00-da Fövqəladə Hallar Nazirliyinin “112” qaynar telefon xəttinə Hirkan Milli Parkında, Lənkəran Təngivan kəndi yaxınlığındakı dağlıq ərazidə yanğın olması barədə məlumat daxil olub.
Mürəkkəb relyefli dağlıq ərazidə quru ot, kol-kos və seyrək ağaclıq yanıb.