İbrahim Tatlıses nəvəsinə qarşı açdığı iddianı qazandı: “Məndən dəlilik sənədi
istədilər” – FOTO
Bizim WhatsApp kanalımıza buradan abunə ola bilərsiniz
Məşhur türkiyəli müğənni İbrahim Tatlıses övladı Ahmet Tatlısesin oğlu Mert
Tatlısesin onun razılığı olmadan 6 il mənzilini zəbt etdiyi iddiası ilə ona
qarşı açdığı iddianı qazanıb.
Məhkəmə Mert Tatlısesin mənzili haqsız yerə zəbt etməsinin qarşısının
alınmasına qərar verib, həmçinin ona haqsız zəbt etməyə görə 370 min 246 lirə
(təxminən 19,7 min manat) təzminat təyin edib.
Məsələ ilə bağlı “Söylemesem olmaz” verilişində danışan Tatlıses oğlunun onun
barəsində – “O, əqli cəhətdən sağlam deyil, ona qəyyum təyin olunmalıdır”, –
deyərək, məhkəməyə müraciət etdiyini bildirib.
Müğənni qaldırılan iddiadan sonra əqli cəhətdən sağlam olduğunu sübut etmək
üçün 7 fərqli quruma müraciət etdiyini və Ege Universitetindən sağlamlıq barədə
arayış aldığını deyib.
“Uşaqlarımın o evdə qalmasını istəmirəm, çünki onlara bu hesabatı verdiyimə
görə peşmanam və onların məni dəli olaraq görmələrinə tab gətirə bilmirəm. Daha
doğrusu, mənim övladım da deyil, övladımın övladıdır. Mən bütün uşaqlarıma
baxıram. Bütün övladlarıma ev verir və xərclərini qarşılayıram. Mən dəliyəmsə,
o da öz övladının xərclərini qarşılasın”, – deyə Tatlıses giley edib.
Mənbə: Haber Global
