Bakı Ağır Cinayətlər Məhkəməsində Sumqayıt şəhər sakini Coşqun Hüseynovun (1999-cu il təv.) CM-nin 126.2.1-ci (qəsdən sağlamlığa ağır zərər vurma, iki və daha çox şəxsə qarşı törədildikdə) maddəsi ilə təqsirləndirilməsinə dair cinayət işi üzrə məhkəmə baxışı başa çatıb.
ÇıxışYolu.Com-ın məlumata görə, bu il fevralın 25-də H.Z.Tağıyev qəsəbəsində aralarında yaranmış mübahisə zamanı əvvəllər məhkum olunmuş Coşqun Hüseynov şəhər sakinləri Emin Ömərə və İbrahim Cəfərova bıçaqla xəsarətlər yetirib.
Sumqayıt ŞPİ 2-ci polis bölməsi əməkdaşlarının keçirdikləri əməliyyat tədbirləri nəticəsində şübhəli şəxs saxlanılıb. Araşdırma zamanı İbrahim Cəfərovun Coşqun Hüseynovun atası İslamın ayaq nahiyəsinə bıçaqla xəsarət yetirdiyi də məlum olub.
Məhkəmənin hökmü ilə təqsirləndirilən şəxs doqquz il müddətinə azadlıqdan məhrumetmə cəzasına məhkum olunub.